عن اطمن
عشان الاتفاق يبقى اتفاق
في مصر، ناس كتير بتتعامل مع غرباء كل يوم: مستقلين وعملاء، ملاك وضيوف، بياعين ومشترين. اطمن موجود عشان الاتفاقات دي تبقى أوضح وأعدل.
إحنا فين دلوقتي
اطمن مشروع مصري في مرحلة البناء. بنطوّر المنصة على الويب وأندرويد وآيفون، وفيه دلوقتي نسخة تجريبية مقفولة مع مختبرين بدعوة في خمس أنواع اتفاق: شغل حر، مصايف، موبايلات مستعملة، تشطيب وصيانة، وقاعات.
في التجربة، كل المعاملات المالية محاكاة. الدفع الحقيقي مش هيبدأ غير مع مؤسسة مالية مرخّصة، وبعد الموافقات القانونية اللازمة.
ليه الأنواع دي الأول؟
بدأنا بشغل التصميم الحر: الشغل رقمي، والخطوات سهل تتحدد، والتسليمات سهل تتوثّق. ده اللي بنينا عليه الأساس.
وبعده جت تعاملات كل يوم بين ناس ممكن مايعرفوش بعض: مصيف، موبايل مستعمل، شغل في البيت، قاعة لمناسبة. الرحلات مستنية لحد ما محامي يراجعها.
مبادئنا
- الوضوح قبل كل حاجة: كل طرف عارف هو وافق على إيه، وإيه اللي جاي.
- الصدق في الإعلان: مش هنقول على حاجة إنها متاحة أو آمنة غير لما تبقى كده فعلاً.
- العدل بين الطرفين: المنصة مش منحازة لأي طرف.
- خصوصيتك مسؤوليتنا: أقل بيانات، وحماية حقيقية ليها.